1 LOSS MER SINGE
Musik & Text: Wolfgang Anton / Verlag: Dabbelju Musikverlag
1. Jetz simmer all widder he
wie schnell su e Johr doch verjeiht.
Ob vun noh oder fään,
jede trick et he hin,
öm widder met dobei zo sin.
Et es doch immer widder schön,
wemmer all zosamme sin,
un mer singe all die Leeder,
die mer vun Kindheit ahn schon kennt.
Esu e wunderschön Jeföhl
kritt mer he schnell, wemmer‘t nur well,
un mer singe all die Leeder
vun däm ahle Mann,
jo un och dat vum Veedel.
2. Es die Luff en d‘r Kneip äch zom Schnigge,
dann kritt mer dat Jeföhl, wat mer bruch,
et jitt kein Stadt op d‘r Ääd,
wo et bekloppter zo jeiht,
Kölle jeiht uns unger de Hugg.
Et es doch immer widder schön…
Ich stonn op die Sproch un die Minsche,
ich stonn op die Aat, wie mer laach,
ich stonn op dä Wetz, dä et söns nirjends jitt,
ich stonn op die echt kölsche Aat.
Et es doch immer widder schön… (2x)
2 Jet Neues
Musik & Text Björn Heuser / Verlag: HEUSERMUSIK, GMO Publishing
lang nix mieh jehot,
usser däm wat mer immer su höt,
hey, ich hoff dir jeiht et jot.
Drieh de Anlaach ruhig op Anschlaach,
jevv dingem Nohber eine us,
ich wullt nur koot Revier markiere,
denn söns halt ich et nit us.
Jetz ben ich do do do do do,
wor eijentlich nie wirklich fott,
Noh all dä Johr Johr Johr Johr Johr,
dofür danke ich dir, leever Jott.
Han jesunge un jelaach,
su manche Naach zom Daach jemat,
jetz meld ich mich zoröck, weil et jet Neues
zo verzälle jitt.
Su vill Storys, su vill Minsche,
Saache, die et jar nit jitt.
E paar vun denne bruch ech keiner,
mer muss oppasse, dat mer nie su weed.
Jetz ben ich do do …
Ohohoho, hür einfach zo,
ohohoho, wofür sin Fründe do?
3 Drink doch eine met
Bläck Fööss
Musik & Text: Fred Hoock. © Copyright 1971 und 1978
De Bläck Fööss Musikverlag.
Ne ahle Mann steit vür d‘r Weetschaftsdüür,
Der su jän ens einen drinken dät
Doch hä hät vill ze winnich Jeld,
Su lang hä och zällt.
En d‘r Weetschaff es die Stemmung jroß,
Ävver keiner süht dä ahle Mann.
Doch do kütt einer met enem Bier
Un sprich en einfach an:
Drink doch eine met, stell dich nit esu aan!
Du steis he de janze Zick eröm.
Häs de och kei Jeld, dat es janz ejal.
Drink doch met un kümmer dich nit dröm.
Su mancher sitz vielleich allein zo Hus,
Dä su jän ens widder laachen dät
Janz heimlich, do waat hä nur do drop,
Dat einer zu im sät:
Drink doch eine met, stell dich nit esu aan! …
4 Et kölsche Jeföhl
Musik & Text Björn Heuser / Verlag: Dabbelju
Et es Friedaachovend, die Woch es vorbei,
un all sinn se do en d´r eetzte Reih,
et Leech jeiht us un d´r Scheinwerfer ahn,
dann weed jesunge met nem Gaffel en d´r Hand!
Op ne schöne Ovend, en schöne Zick,
met üch ze singe, dat es Jlöck.
Wat morje kütt es hück noch janz wick weg.
Op ne schöne Ovend, en schöne Zick,
un jeder vun üch es e janz klei Stöck
vum kölsche Jeföhl, dat en uns steck!
Dä Lade es voll, de Schieve beschlare,
direk he am Dom, wo et kölsche Hätz schläät.
Ov ärm oder rich, ov junge ov ahle,
zesamme singe määt et levve levvenswäät!
Op ne schöne Ovend, …
5 EN D’R KAYJASS NUMMER NULL
Bläck Fööss
Steit en steinahl Schull
Un do hammer dren studiert
Unsere Lehrer, dä heess Welsch
Sproch e unverfälschtes Kölsch
Un do hammer bei jeliehrt
Joh un mer han off hin un her üvverlaat
Un han för dä Lehrer jesaat
Nä, nä, dat wesse mer nit mih, janz bestemp nit mih
Un dat hammer nit studiert
Denn mer woren beim Lehrer Welsch en d’r Klass
Do hammer sujet nit jeliehrt
Dreimol Null es Null es Null
Denn mer woren en d′r Kayjass en d’r Schull
Dreimol Null es Null es Null
Denn mer woren en d’r Kayjass en d′r Schull
Es en Schiev kapott
Es ene Müllemmer fott
Hät d′r Hungk am Stätz en Dos
Kütt ene Schutzmann anjerannt
Hät uns sechs dann usjeschannt
Sät: Wat maat ihr sechs dann blos?
Joh un do hammer widder hin un her üvverlaat
Un han för dä Schutzmann jesaat
Nä, nä, dat wesse mer nit mih, janz bestemp nit mih
Un dat hammer nit studiert
Denn mer woren beim Lehrer Welsch en d’r Klass
Do hammer sujet nit jeliehrt
Dreimol Null es Null es Null
Denn mer woren en d′r Kayjass en d’r Schull
Dreimol Null es Null es Null
Denn mer woren en d′r Kayjass en d’r Schull
Neulich krät uns en d′r Jass
Die Frau Kääzmanns beim Fraass
Sät: Wo lauft ihr sechs blos hin?
Uns Marieche sitz zo Hus
Weiss nit en un weiss nit us
Einer muss d’r Vatter sin
Joh un do ald hammer widder hin un her üvverlaat
Un han för die Kääzmanns jesaat
(Leev Frau Kääzmann)
Un dat hammer nit studiert
Denn mer woren beim Lehrer Welsch en d’r Klass
Do hammer sujet nit jeliehrt
Dreimol Null es Null es Null
Denn mer woren en d′r Kayjass en d′r Schull
Dreimol Null es Null es Null
Denn mer woren en d’r Kayjass en d′r Schull (hey)
Dreimol Null es Null es Null
Denn mer woren en d’r Kayjass en d′r Schull
Dreimol Null es Null es Null
Denn mer woren en d’r Kayjass en d′r Schull, hey hey hey hey
Hey, hey, hey, hey
6 Mir levve jetz
Weißt do dat ich manchmol opston
un mich frore wie et wigger john soll
Weißt do dat ich Fehler mache
doch ich bliev mer treu
nix wird besser wenn man et bereut
Denn alles hät sing Zick
leev für der Augenblick
hoh die Jläser, Hand op et Hätz
mir leeve nit jestern nit morje
mir leeve jetzt
mir leeve jetzt
Ich weeß dat nit alles Jold es
wat hoh zum Himmel jlänz
Ich weeß dat kenner et schuld es
wenn mer im Kreis nur rennt
un kenne Uswäsch fingk
Denn alles hät sing Zick …
un wenn de Herrjott Dich han will
dann sach em Joung ich zech dir meng Welt
träck nur einmol mit mir öm de Hüser
un ich zech dir wat mich he hält
wat mir em Himmel fählt
Denn alles hät sing Zick …
7 JEDÄUF MET 4711
Musik & Text: B. Heuser, F. Binninger, R. Kowalak, F. Reudenbach Verlag: Dabbelju / Bosworth Music
Mir sin jedäuf met 4711,
mir han mit Sorje nix am Hoot,
mir sin jedäuf met 4711,
dröm jeiht et uns joot!
Lalala, Jalalala, lalalalalalalaaaaaa…
1. Minsche kumme op de Welt,
ejal wo du jrad bes,
doch et jitt en Stadt,
wo dat jet janz besondres es.
Kaum es de Nabelschnur jetrennt,
dann bes de infiziert,
un häs d‘r Dom op ding Siel tätowiert.
Mer bruche keine Zaubertrank, su wie Asterix
Nä, mir han e Jeheimrezept,
Jung, wat sääs de jetzt?
Mir sin jedäuf met 4711…
Lalala, Jalalala, lalalalalalalaaaaaa…
2. Fährs do ens en de Welt erus,
dann kannste sicher sinn,
Ejal wohin et jeiht,
du triffs ne Kölsche vum Rhing,
Uns Eijenaat, die merkste schnell,
jet janz besondres es,
Levve un levve looße, es bei uns Gesetz!
Mer bruche keine Zaubertrank, su wie Asterix,
Nä, mir han e Jeheimrezept,
Jung, wat sääs de jetzt?
8 HEY KÖLLE! DU BES E JEFÖHL
Höhner
He wo ich jroß jewode ben
Do bes en Stadt met Hätz un Siel
Hey Kölle, do bes e Jeföhl
Ich han die Städte der Welt jesin
Ich wor in Rio, in New York un Berlin
Se sin op ihre Aat jot un schön
Doch wenn ich ierhlich ben, do trick mich nix hin
Ich bruch minge Dom, dä Rhing – minge Strom
Un die Hüsjer bunt om Aldermaat
Ich bruch dä F. C., un die Minsche he
Un die jode, echte kölsche Aat
Hey Kölle – do ming Stadt am Rhing
He wo ich jroß jewode ben
Do bes en Stadt met Hätz un Siel
Hey Kölle, do bes e Jeföhl
Doch se han dich widder opjestallt
Die Zick, die määt och för dir nit halt
Hück häste Ecke, die sin jrau un kalt
Do weed römjebaut un vell versaut
Un trotzdem eines, dat es jeweß
Dat dä Ärjer vun hück – un dat jeiht flöck
Die jode ahle Zick vun murje es
Hey Kölle – do ming Stadt am Rhing
He wo ich jroß jewode ben
Do bes en Stadt met Hätz un Siel
Hey Kölle, do bes e Jeföhl
Hey Kölle – do ming Stadt am Rhing
He wo ich jroß jewode ben
Do bes en Stadt met Hätz un Siel
Hey Kölle, do bes e Jeföhl
Ich blieve he, wat och passeet
Wo ich die Lück verstonn
Wo ich verstande weed
Hey, hey, hey, hey
He wo ich jroß jewode ben
Do bes en Stadt met Hätz un Siel
Hey Kölle, do bes e Jeföhl
Hey Kölle – do ming Stadt am Rhing
He wo ich jroß jewode ben
Do bes en Stadt met Hätz un Siel
Hey Kölle, do bes e Jeföhl
Do bes en Stadt met Hätz un Siel
Hey Kölle, do bes e Jeföhl
Hey Kölle
| 9 Unsere Stammbaum |
| Musik und Text: H.Knipp/ Bläck Fööss |
|
Ich wor ne stolze Römer, kom met Caesar‘s Legion, Refrain: Su simmer all …. Refrain: Su simmer all … |
10 DU … (BES DIE STADT)
Bläck Fööss
Du bes die Stadt op die mir all he ston
Du häs et uns als Pänz schon anjedon
Du häs e herrlich Laache em Jeseech
Du bes die Frau die Rotz un Wasser kriesch
Jrau ding Hoor, un su bunt die Kleid
Du häs Knies en d′r Bud, doch de Näjele rut
Jrell jeschmink, un de Fott jet breit
E Jlöck, dat dir dat all jot steit
Du bes die Stadt…
Frech wie Dreck. doch et Hätz es jot
E klei beßje verdötsch, met nix jet am Hoot
Jot jelaunt, das et bal schon nerv
All dat han mer vun dir jeerv
Du bes die Stadt…
Du bes die Stadt am Rhing, dem jraue Storm
Du bes verlieb en dinge staatse Dom
Du bes en Jungfrau un en ahle Möhn
Du bes uns Mam un du blievs iwich schön
Du bes uns Stadt un du bes einfach schön
11 STÄÄNE
Klüngelköpp
Ich wullt nur weg, woanders hin
Ich wor jung, hat winnich Jeld
Ich wullt wohin, wo et mir jefällt
Anjekumme, dat bin ich nie
Wuss miestens nit, wat mich su driev
Doch ming Sehnsucht wor nöher draan
Ich jläuv ich fang vun vürren aan
Wenn am Himmel die Stääne danze
Un d′r Dom sing Glocke spillt
Jo dann weiss ich dat ich doheim bin
Jo doheim bin he am Ring
Ussjewandert un‘ weg jetrocke
Minsche jonn un′ Minsche kumme
E Stück vum Hätz bliev för immer he
Doch dat merkste ets peu á peu
Aanjekumme bess Du etz dann
Wenn ding Hätz is ohne Gram
Doch für mich do weed et Zick
Ich pack in un kumm zurück
Un d’r Dom sing Glocke spillt
Jo dann weiss ich dat ich doheim bin
Jo doheim bin he am Ring
12 En unserem Veedel
Bläck Fööss
Musik & Text: Hartmut Priess, Thomas Engel, Ernst Stoklosa,
Peter Schütten, Günter Lückerath, Dieter Jaenisch.
© Copyright 1978 by De Bläck Fööss Musikverlag.
Wie sull dat nur wiggerjon? Wat bliev dann hück noch ston?
Die Hüsjer un Jasse, die Stündcher beim Klaafe, es dat vorbei?
En d‘r Weetschaff op d‘r Eck ston die Männer an d‘r Thek.
Die Fraulückcher setze beim Schwätzje zesamme, es dat vorbei?
Wat och passeet, dat Eine es doch klor:
Et Schönste, wat mer han schon all die lange Johr es unser Veedel,
Denn he hält mer zesamme, ejal wat och passeet.
En unserem Veedel.
Uns Pänz, die spille nit em Jras, un fällt ens einer op de Nas,
Die Bühle un Schramme, die fleck mer zesamme, dann es et vorbei.
Wat och passeet, dat Eine es doch klor:
Et Schönste, wat mer han schon all die lange Johr es unser Veedel,
Denn he hält mer zesamme, ejal wat och passeet.
En unserem Veedel.
Dat es doch klor, mer blieve wo mer sinn, schon all die lange Johr